Laboratoriya hodimlari

Xalilov Ilxom Mamatkulovich 1999-yilda biologiya fanlari bo‘yicha falsafa doktori (PhD) ilmiy darajasini olish uchun dissertatsiya himoya qilgan. 2000-yildan buyon O‘zbekiston Respublikasi Fanlar akademiyasi Mikrobiologiya institutida ilmiy faoliyat olib borib, katta ilmiy xodim lavozimida faoliyat yuritgan.
2008-yilda unga katta ilmiy xodim ilmiy unvoni berilgan. 2020-yildan O‘zR FA Mikrobiologiya institutida laboratoriya mudiri lavozimida ishlab kelmoqda. 2022–2024-yillarda Isroilning Ben-Gurion universitetida postdoktorlik ilmiy tadqiqotlarini olib borgan.
2024-yilda biologiya fanlari doktori (DSc) ilmiy darajasini olish uchun dissertatsiya himoya qilgan.
Ilmiy faoliyati davomida 140 dan ortiq ilmiy nashrlar muallifi hisoblanadi. Ilmiy-tadqiqot faoliyati bilan bir qatorda yosh mutaxassislar va tadqiqotchilarga ilmiy-uslubiy ko‘mak berib kelmoqda. Rus va ingliz tillarini yaxshi biladi.

K.Davranovning ilmiy faoliyati mikrobiologik sintez natijasida hosil boʼladigan mahsulotlarni ajratib olish, baholash va ishlatish bilan, jumladan, mikroorganizmning lipaza, proteaza, amilaza, sellyulaza, glyukozoizomeraza, nitrilgidrataza kabi fermentlarini sof holda ajratish, ularning xususiyatlarini oʼrganish, ulardan foydalanish hamda tabiiy, past molekulali metabolitlarni tozalab olish, ularni identifikatsiya qilish, biogenez mexanizmlari va biosintezni boshqarish mexanizmlarini tadqiq qilish bilan bir qatorda “mikrob-tuproq-oʼsimlik” tizimida, tashqi muhit taʼsirlariga chidamli boʼlgan, muayyan sharoitda oʼsimliklarning oʼsishi, rivojlanishi, hosildorligi hamda hosilining sifatiga ijobiy taʼsir koʼrsatish xususiyatiga ega boʼlgan hamda tuproq unumdorligini oshiruvchi mikrob preparatlari yaratish va ularni amaliyotga tatbiq etishga qaratilgan.

Katta ilmiy xodim b.f.d Rustamova Nigora Aktamova – Ilmiy tadqiqot yo’nalishi o‘simliklar bilan bog‘liq endofit mikroorganizmlar, ularning ikkilamchi metabolitlari va biologik faolligini o‘rganishga qaratilgan. Dorivor o‘simliklardan endofit bakteriya va zamburug‘larni ajratib olish, ularning xilma-xilligini aniqlash, biologik faol ikkilamchi metabolitlarni izlash va kimyoviy tavsiflash, shuningdek mikroorganizmlar yordamida biotransformatsiya jarayonlarini o‘rganish muhim o‘rin tutadi. Ilmiy ishlarida antimikrob, sitotoksik va boshqa biologik faol xususiyatlarga ega tabiiy birikmalarni aniqlash, istiqbolli mikroorganizmlarni biotexnologik va farmatsevtik maqsadlarda qo‘llash imkoniyatlarini baholashga ham e’tibor qaratiladi.

Azimova Nodira Shoyim qizi - ilmiy tadqiqot yo'nalishi qishloq xo‘jaligi ekinlarining fitopatogen mikroorganizmlarini aniqlash, ularga qarshi samarali antagonist mikroorganizmlarni tanlash hamda ekologik xavfsiz biologik himoya vositalarini yaratishga qaratilgan. Ilmiy faoliyati fitopatogen va antagonist mikroorganizmlarning biologik xususiyatlarini o‘rganish, shuningdek, ular asosida qishloq xo‘jaligi uchun samarali biopreparatlar ishlab chiqishni qamrab oladi.