O‘zR FA Mikrobiologiya instituti Ilmiy kengashining navbatdagi yig‘ilishi bo‘lib o‘tdi

Publication date: 04.09.2026

2026-yil 3-sentabr kuni O‘zbekiston Respublikasi Fanlar akademiyasi Mikrobiologiya instituti Ilmiy kengashining navbatdagi yig‘ilishi bo‘lib o‘tdi.

Yig‘ilishda institut faoliyatiga oid bir qator muhim masalalar muhokama qilindi. Jumladan, institut xodimlarini orden va ko‘krak nishonlari bilan taqdirlanganligi munosabati bilan qutlash, dolzarb ilmiy tadqiqot natijalariga bag‘ishlangan monografiya va kitoblarni nashr ettirish uchun ajratilgan mablag‘lar hisobidan chop etishga tavsiya etish masalalari ko‘rib chiqildi.

Shuningdek, «Formula 35» fan festivalini tayyorlash va o‘tkazish, tayanch doktorantura (PhD) va doktorantura (DSc)ga qabul qilish doirasida ilmiy tadqiqot ishi mavzularini tasdiqlash hamda dissertatsiya yo‘nalishlarini belgilash masalalari muhokama qilindi.

Yig‘ilish davomida 2026–2027-o‘quv yili uchun mustaqil izlanuvchilarni qabul qilish bo‘yicha takliflar ham ko‘rib chiqilib, tegishli qarorlar qabul qilindi.

Kun tartibidagi boshqa masalalar yuzasidan ham fikr va mulohazalar bildirilib, institutning ilmiy faoliyatini yanada rivojlantirishga qaratilgan tegishli vazifalar belgilab olindi.