O‘zbekiston Respublikasi Fanlar akademiyasi Mikrobiologiya institutida Yosh olimlar kengashining navbatdagi yig‘ilishi bo‘lib o‘tdi.
Yig‘ilish davomida O‘zbekiston Respublikasi Prezidenti tashabbusi bilan ilgari surilgan “Yoshlar kuni” doirasida yoshlarni qo‘llab-quvvatlash, ularning ilmiy tashabbuslarini rag‘batlantirish hamda ilm-fan sohasidagi faolligini yanada oshirish masalalariga alohida e’tibor qaratildi. Shu munosabat bilan institut direktori, professor Miralimova Shaxlo Mirjamalovna tomonidan “Rahbar va yoshlar” mavzusida uchrashuv o‘tkazilib, institutda faoliyat olib borayotgan yosh olimlarning ilmiy faoliyati, ular olib borayotgan tadqiqotlar hamda kelgusidagi ilmiy rejalari bilan yaqindan tanishildi. Uchrashuv davomida yosh tadqiqotchilarni qo‘llab-quvvatlash, ilmiy izlanishlar samaradorligini oshirish hamda xalqaro ilmiy hamkorlikni kengaytirish masalalari muhokama qilindi.
Shuningdek, yosh olimlar Tojiev Behruz va Tojieva Maftuna tomonidan Xitoy Xalq Respublikasidagi State Key Laboratory of Radiation Medicine and Protection, Suzhou Medical College, Soochow Universityda o‘talgan ilmiy stajirovka yakunlari bo‘yicha hisobot taqdim etildi. Taqdimotda stajirovka davomida olib borilgan ilmiy tadqiqotlar, o‘zlashtirilgan zamonaviy laboratoriya metodlari hamda ushbu tajribalarni institut ilmiy faoliyatida qo‘llash istiqbollari haqida ma’lumot berildi.
Yig‘ilish yakunida yosh olimlarning ilmiy faoliyatini qo‘llab-quvvatlash, ularning xalqaro ilmiy maydondagi faolligini oshirish hamda ilmiy loyihalarni rivojlantirishga qaratilgan qator taklif va tashabbuslar muhokama qilindi.
A. Qodiriy ko'chasi 7B
